朗拿度歡迎詛咒

當畀人詛咒，每個人都會反感，對詛咒者恨之入骨。然而，世事無絕對，朗拿度最近就曾畀人話冇可能重返綠茵場。佢聽到後反而十分開心，更預言自己可以康復。點解，因為講者係足球超重量級人馬——比利。

比利向有“烏鴉嘴”稱號，每屆世界盃都會出來預測邊隊會成功坐上寶座，但事實卻與其預測背道而馳，可謂“指路明燈”。最近，朗拿度在對拿坡里一役重傷，左膝肌腱全部斷裂。翌日，即在巴黎醫院接受了手術，大半個月後返回米蘭。就在這個時候，比利接受訪問時認為，朗拿度或許已無法返回球場。並指目前醫術雖然突飛猛進，但朗拿度已經唔係初出道，年紀大了，康復亦冇咁好。當然，若佢能百分百痊癒將是球壇之福，只怕佢做唔到。

聽到呢番話，朗拿度幾乎開心到跳起，因為世事永遠同比利對着幹。佢話東就去西，佢話南又走咗去北。佢仲講多句，比利係足球界的傳奇人物，好多時身不由己，冇辦法唔答記者各類問題。亦曾有教練抨擊比利，話若想奪取冠軍，一定要問比利，然後按佢所講對着幹即成。

如果比利真係咁猛料，任何地方選舉，想贏一方可以搵比利，叫佢猛貼對家，咁就想輸都難矣。

董 暉