華記要食“塞”

    西班牙盃四強今晚上演次回合比賽，首回合主場只能與華倫西亞踢和的巴塞，今仗要贏波入決賽的確有一定難度，事關華倫西亞本身人腳實力都係份量級人馬，要分勝負，根本就要打過先知，加上巴塞今季作客戰績差強人意，初盤作客仍要讓平手/半球，捧“華記”坐和望贏。

    華倫西亞今季成績其實都幾令人失望，因為陣中球星唔少，尤其是中前場，可以話粒粒皆星，大衛維拉、祖昆、巴拉查及馬真拿等都係國家隊陣中不可或缺的球員，而過往實而不華的踢法，更吸納唔少波友成為“蝙蝠迷”，可惜今季球隊未能發揮應有水準。幸好爛船都有三斤釘，雖然部分球星狀態未“弗”，但始終級數仍在，何況西班牙盃係佢哋今季唯一目標，只要今晚打低巴塞，捧盃機會極高，今仗肯定全力以赴，搏到最後。

    首回合在完場前追和“華記”，巴塞認真大話夾好彩，但相信過得初一過唔到十五，因為巴塞踢作客表現令人欠缺信心，近兩場作客一和一負，根本踢唔出任何霸氣，加上美斯、迪高、細哨及馬昆斯等主力都成為傷兵，今仗認真信唔過。

    推介：華倫西亞 2:1

    足球評述員　Ben

    電郵:ben_tdm2003＠hotmail.com