國米袓記有得和

    國米今季能否衛冕聯賽冠軍，今晚主場迎戰祖雲達斯屬於最關鍵一仗，由於球隊目前出現內亂，倒“文”之聲響起，會否影響今仗球隊發揮確係一個問題。祖記雖然爭標無望，但誓要保住三甲位置，加上死敵碰頭，贏唔到都希望唔輸，硬打硬未必輸得晒，初盤受讓平手 / 半球，祖記有得諗。

    伊巴謙莫域上仗因為被換出，跟住向領隊文先尼“發爛渣”，叫“老文”快點“收皮”，加入以費高為首的一班球星，實行倒“文”行動，究竟今晚陣容係點？球員比賽心態又如何？足以影響大局，至於要真正比拼，國米亦冇必勝祖雲達斯嘅把握，始終兩隊實力並非相差太遠，祖記要踢爭氣波，國米主場一樣咁難打，況且國米近況有點低沉，近七場兩勝兩和三負，所贏對手亦非強隊，而今仗遇上祖記，所增壓力亦唔少，要攞足三分的確“抆水”。

    祖記目前正受到費倫天拿威脅，三甲位置分分鐘不保，幸好近兩場球員生生性性，分別擊敗對手全取六分，增強今晚士氣，兩隊今季碰頭三次，祖記兩和一負，僅一球落敗，證明兩隊有得打。

    推介：和波 1：1

    足球評述員　Ben

    電郵:ben_tdm2003＠hotmail.com