槍手紅軍爭出線必有惡鬥

歐冠盃八強比賽，唯一一場由兩支同一聯賽球隊對決的是阿仙奴鬥利物浦。球迷焦點自然落到法比加斯同托里斯身上。究竟呢兩個關鍵球員，邊個會帶領球隊再晉一級？

阿仙奴同利物浦今季在聯賽碰過一次頭，當時兵工廠作客逼和紅軍，入波者就係法比加斯。利物浦入波者則係謝拉特。不過與托里斯下半場被換出，對兵工廠牽制減弱，令法比加斯更放心進攻，與最終有所回報不無關係。

雖然紅軍隊長謝拉特亦不可忽視，但觀其數場比賽，其入波都非清脆俐落。加上兵工廠球員無盡的活力，謝要搵一個入波機會唔係咁容易。可以講，紅軍取分主要靠托里斯。

兵工廠除了法比加斯外，還有唔少具威脅球員，如艾迪拜約、法米尼、華確特等，只要能夠成功凍結托里斯，呢場仗將會佔有優勢。問題係而家托里斯弗到漏，要睇實佢唔容易。不過，足球並唔係打一個人，要整隊配合，相對來說，阿仙奴在這方面稍為優勝。可以肯定一點，無論邊隊能夠勝出呢場比賽，都有機會晉身決賽。能否奪冠就要睇另一條線由哪隊出線了。

另一條戰線，紅魔要闖過狀態大勇的羅馬唔易，即使能夠過關，接着來的極大可能係巴塞，出線機會稍弱。若然巴塞出線，決賽真係要睇臨場發揮了。

董 暉