飲水思源

做人是要飲水思源，但亦不是盲目的。

梁洛施同英皇關係出現僵局，梁更發聲明表示會低調處理同公司關係。言下之意，似是無意同英皇和解。之後其大師姐容祖兒指做藝人應要飲水思源。

其實梁洛施同英皇關係如何？只有他們彼此知道。日前有論壇講到藝人同經理人公司關係，王晶覺得英皇同藝人簽十幾年合約，年期太長，更說藝人要走，他一定會放人。同場霍汶希則不認同，還說簽七、八年，藝人才剛好成材，如此就放他們走咩！是否在說藝人要回報給公司，年期更長都要接受？

在商言商，無可厚非，但藝人成材後亦要看這間公司是否再適合其發展。如果藝人有更大發展空間，放人一馬亦未嘗不好。還有一點好重要的是，若藝人有離異之心，公司有否了解原因何在？會否早年簽下合約條件過於苛刻？況且這行名利當頭，有更好條件點會不心動？易地而處，相信霍汶希都會跳槽。

飲水係應思源，但有七、八年回報都差不多了，難道一世都要被綁在同一家公司咩？藝人也要為自己打算的，哪有一世賣身的！

方 筱