白玉山必定增値

    今日草馬多形勢亂，加上場地有變，臨場揀馬要執生。賽前來料第九場“白玉山”及十三場“連年豐泰”，合心水可捧場。

    “白玉山”四歲馬續有進步，上仗路短仍能後上贏馬，可見實力強橫。今日賀廄強陣應戰，準備數餬。雖然此馬勢必成為熱門，卻已認定是過關投注變倍器，睇嚟練者今日又可上台領奬威威。“快樂森林”目標早放在今日，騎者同場有多駒可選擇，但最後仍揀佢，認眞識貨。與前駒呢條單Q，睇怕打風都唔甩。

    “連年豐泰”上仗搏殺有心，惜最後只得第二，走勢露晒光。今日轉跑草地博你唔信，倘有四至五倍分頭，千祈咪走雞。“揮灑自如”跑法主動，今日執到四檔有着數。鋒仔恨贏馬恨到發燒，可望與前駒串Q而回。

    搏殺單Ｑ

    第 九 場

    ④白 玉 山

    ③快樂森林

    第十三場

    ⑤連年豐泰

    (13)揮灑自如