紅魔食硬紅軍

    今日係英超超級星期天，四大天王對陣，球迷記得今晚捧小弟場。同大家推介係頭場曼聯對利物浦，自從足總盃“斷纜”之後，費蛇的“出奇蛋”三個願望冇咗一個，聯賽及歐冠盃能否叫餬食出，就要睇最後衝刺。今晚主場火倂紅軍，又係奪標之路重要一役。近年對住利物浦都佔到優勢，踢法上又明顯食住紅軍，曼聯呢三分似乎冇乜點走雞。

 利物浦近期氣勢十足，七連勝更加重奪前四位置，但做阿“四”都要做得安安樂樂。今晚作客曼聯，搶得一分就一分。不過，有時唔到你唔信，一物治一物，曼聯都係食硬紅軍，初盤曼聯讓半球，照去。

重登榜首的曼聯當然要再珍惜機會，雖然過去幾仗一班魔星表現未算合格。但曼聯每當遇上大戰，都會即時變身，再現強者霸氣，尤其是到重要關頭，必定會殺得性起。講氣勢，利物浦近期叻過曼聯多多聲，無論主場作客都橫掃對手，前鋒殺手托里斯更加“弗”到漏油，今晚食粥食飯都可能靠佢。但要在奧脫福“也文也武”，除非呢班魔星踢到走樣，否則紅軍都係難逃一敗。

推介：曼聯 2:1

足球評述員　

Ben

電郵:ben_tdm2003＠hotmail.com