碧咸的一百場

    由於今日“西邊”冇乜重要賽事進行，所以又同大家吹吓水，話題係周中將會進行的國際賽，包括歐洲各大強國厲兵秣馬時刻，亦有正式國際賽，歐洲U21錦標賽外圍賽，仲有關乎國家隊的世界盃亞洲區外圍賽，雖然戰況並非激烈，但亦有多場比賽值得關注。

    好少講國家隊比賽，第一，對呢支球隊冇乜好印象，第二，根本唔值得多講，不過，今日都講幾句，周三國家隊將會主場對澳洲，如果國家隊能夠有超水準表現，可以攞到三分的話，進軍最後十強機會相當高。但唔怕得罪講句，國家隊以現時實力，比賽態度以及心理質素，和波都算有交代，對住泰國都只係在完場前逼和對手，亞洲二三線球隊都幾乎輸埋，對住澳洲又點踢呢？幾句算，唔再多講。

    又講講國際友誼賽法國對英格蘭，究竟碧咸兄可唔可以夢想成真，為國“捐軀”一百次？信不信由你，卡比路一定成全碧咸兄，因為碧咸的一百場係遲早問題，卡比路明白到傳媒與球迷壓力，趁碧咸仲可以踢得兩咀，不妨早點完成碧咸心願，相信今仗碧咸披甲上陣機會相當高。

    電郵:ben_tdm2003＠hotmail.com

    足球評述員　

    Ben