法國可小勝英格蘭

今晚咁多場國際友誼賽當中，當然法國對英格蘭最有睇頭，第一，可以睇法國一班後起之秀如何搏上位？第二，由卡比路帶領的英格蘭面對強勁對手表現又如何？第三，碧咸會否第一百場上陣？理論上兩隊實力相差唔會太遠，勝負相信都會一球上落，而有主場之利的法國仍係值得睇高一隊，初盤法國只讓平手/半球，當然捧主隊。

法國今仗有多名主力將因傷缺陣，包括韋拉、亨利、賓森馬、沙哈及沙格拿等，前線攻擊力影響較大，不過，法國勝在後備力十足，亦有一班當打後起之秀，而安歷卡、D施斯及拿尼斯等亦有一定攻擊能力，至於加拿斯、艾華、馬基利尼及迪亞拉等，對英格蘭打法亦都瞭如指掌，雖然近幾仗法國踢來毫無霸氣，但對住強敵英格蘭，法國一定在自己鄉親面前重振聲威。

其實碧咸會否上陣，對球隊發揮相信唔會有太大影響，始終英格蘭在踢法上唔會有太大改變或任何驚喜，卡比路係一個重於防守多於進攻領隊，今仗作客肯定以守為攻，但對住法國遲早久守必失，計中前場，法國完全佔優，所以贏波正路。

推介：法國 1：0

足球評述員　

Ben

電郵:ben_tdm2003＠hotmail.com