醒目開心一馬當先

復活節假期，阿拉最開心的節目，還是跑吓馬仔。打吡預賽就啱晒我，“花臣”絕無走寶。昨晨試閘期間雨紛紛，又到清明時節。馬會亦將有春季錦標應吓節。

是朝試閘，不多不少共四組。第一組：馬王“醒目開心”施其安一馬當先，馬身仍茁壯。何華麟本與“開心”系馬仍密切，但今次騎忠哥隻“頂級良駒”。此馬沿途包尾，感受一吓食塵的滋味。

此組仲有一隻“其實開心”，日將內田利雄過檔出試，蔡裕意包辦馬房連贏。不過呢次唔係真跑，係試閘。

第二組：一千米。此組又係六匹馬，編排得幾好，今次輪到張明光威。“明利年”出閘雖然唔快，但迅即從後趕上，邵強仔要把握任務才好。陳日存也有到場，近期希望落在“勁奬”身上。此馬由錢健明發揮當可放心，攞奬期近矣！

“歡騰”不上不落，賀蘭杜夫與彭浩然心中有數。

第三組：八百米。天色仍昏暗，摩加利“偉寶之星”走勢不俗。徒弟黃峻鋒果然聰明靈俐，馬場後浪推前浪，阿拉睇好。

有摩仔梗有錫麟兄，“寶鼎明珠”擺杜西奧上去，當然其志不小，呢課動態不妨存記。八駒出試隨意跑回，跑第三個匹馬名好古怪，叫做“求奇”。馬名與阿拉的午餐異曲同工，是是但但，豉油撈蛋飯。

“拉士”一組，氣氛仍熱烈，陳日存“鋅合金”來了！鞍上人陳卓鋒騎來爽神。“人言是信”多番試閘，始終追唔上。“城豐駿馬”換上徐錦輝，與“高明童”一樣缺乏瞄頭。

明朝又有彈閘，阿拉一定會準時到場，畀心機為大家報道，唔會是但求奇嘅！