西意和波格

今晚英格蘭友賽法國，焦點唔使講梗係第一百次上陣嘅碧咸，睇返各地嘅傳媒的新聞，好多都係以碧咸為主，可見萬人迷的威力真係唔嘢小，可惜足球場就係咁殘忍，今時今日嘅碧咸已係黃昏球員，但他在過去十多年在球場上的影響力，到依家都搵唔到第二個。

講返今晚嘅比賽，其中一場係世界盃得主意大利作客西班牙，初盤主場的西班牙讓平手/半球，以兩隊的實力計，真係無話邊個讓邊個，因為和波機會都好大，既然意大利受讓就值得一博。○六年世界盃後的意大利一度態沉，但教練鄧納東尼有態就選，冇態就走嘅作風，終於令到意軍重上軌道，至今保持連場勝利，盧卡東尼、迪羅斯等狀態都好好，作客根本未驚過。至於西班牙嘅情況一樣，入得隊嘅球員質素同狀態都唔差得去邊，今次交手應該會好好睇，響利物浦踢到識飛的托里斯係西班牙爭勝希望，但碰上穩健嘅意大利防守，甜頭應該唔多，和波最實際，所以捧受讓嘅意軍。推介：西班牙和1:1

智叻星