關智斌拒做張敬軒個唱嘉賓

昨日關智斌（Kenny）到新城宣傳新歌《白木屋》。他和張敬軒傳出斷背情，自嘲已被對方摧毀事業：“佢無啦啦有乜事，都要我回應一大餐，我打畀佢話唔知多謝佢定唔該好，（佢點回答？）佢咪笑笑口話當‘益你見報’。”最近有報道指張敬軒愛Kenny愛出面，向唱片公司企硬要找Kenny擔任個唱嘉賓，Kenny被追問即解釋：“今次講笑，好耐之前一齊做節目，有記者問會唔會搵我做，佢無理由當面拒絕，所以先話如果我來睇就拉我上台，佢只係畀少少薄面我。”

軒仔早前遲大到兼火爆鬧公關，事後自嘲似巴士阿叔，Kenny說：“咁搞笑，平時識佢好冷靜，（會唔會慰藉吓佢？）夠喇，唔想再答！佢演唱會飛又無啦啦有人打來問我。”問他是否要劃清界線，他說：“唔好講到咁，但問我要飛真係好奇怪。”Kenny揚言屆時只會睇騷不做嘉賓，問到他是否睇足咁多場？Kenny說：“我點會睇咁多場，如果佢畀錢就會。”