魔術匙外檔照贏

    今晩沙地亂局，賽前來料，可留意路易斯兩件，分別係頭場“魔術匙”及第十一場“威之盛”。

“魔術匙”沙地短途起家，轉倉後操練更積極，上仗越程出擊得第三，表現算合格。今晩返回短途角逐，馬房手足話排外檔都唔驚，可以贏返一場。“噴射貓”最近健康好轉，晨課亦操到弗。用邵強搏你唔信，臨場若起票可跟進，與前駒單搞掂。

“威之盛”季內演出相當準繩，奬金收到手軟。呢匹慣負重磅馬，今次孭一三一磅影響不大，可作重心。“閃電出擊”沙地特佳，狀態全面復甦今晩用日將必拼無疑。搭前駒呢條翻版，睇怕好大機會再開，可以捧場。

搏殺單Ｑ

    第 一 場

    ⑥魔 術 匙

    ⑤噴 射 貓

    第十一 場

    ②威 之 盛

    ③閃電出擊