禾堡作客可“克”敵

    周五晚例牌有場德甲獨腳戲，今晚係由羅斯托克對禾夫斯堡，兩隊實力其實都有些少差距，排十四位的羅斯托克仍受到降班威脅，為了早日上岸，當然每場比賽都極力搶分，盡早脫離危險期，所以講到鬥心方面，今仗一定比對手強，可惜球隊入球能力實在有限，要贏波唔係話咁易，何況禾夫斯堡踢法講求實際，加上球員狀態穩定，即使作客，相信至少可以不敗而回。

    羅斯托克已連續五場不勝，五場對手之中，除史特加較強外，其他對手排名都只係中下游，反映羅斯托克本身實力平凡到不得了，前線攻擊力薄弱，中場又欠缺組織能力，難怪十八支球隊中係入球最少一隊。至於防守，以球隊人腳而言，勉強都可以接受，但始終都冇贏波本錢，和波算有交代。

    禾夫斯堡前中後三線都平均得多，而且踢法非常實際，近三仗對住前三強都有不俗表現，分別和漢堡擊敗雲達不萊梅，只敗於拜仁腳下，呢支作客攻擊力最強球隊，今晚如要去波的話，基本上贏埋都可以。

    推介：禾夫斯堡 2:1

    足球評述員　Ben

    電郵:ben_tdm2003＠hotmail.com