莉亞舞姿可愛冧盡歌迷

日本性感女神Leah Dizon(莉亞迪桑)前晚於九展舉行首個迷你音樂會。穿上熒光黃透視短裙、載歌載舞的Leah，除了大講半鹹半淡廣東話搞氣氛，又以結他自彈自唱偶像周杰倫的國語歌《麥芽糖》，更承諾下次到香港必會唱廣東歌送給樂迷，冧盡粉絲。

來自日本的混血美女Leah Dizon前晚在香港舉行音樂會，由於樂迷只需購買其單曲及寫真集即獲門票，吸引了近千熱情歌迷捧場。現場不少女歌迷以背心短裙打扮成Leah一樣，但大部分觀衆以男士為主，雖然Leah獻唱短短九首歌，音樂會全長只得一小時，但以性感打扮現身的Leah落力大唱大跳，意態撩人，令場內氣氛高漲。大會又安排南華足球隊成員文彼德及陳偉豪獻花及送上印有Leah Dizon名字的三號南華波衫，令她手舞足蹈，表現驚喜。

首次在香港開音樂會的Leah有備而戰，不停揮手以半鹹淡廣東話講“你好嗎”、“唔該”、“快D啦”，司儀梁奕倫又教Leah問候歌迷“食咗飯未？”現場粉絲對偶像的可愛舉動亦報以熱烈歡呼聲，亦有男歌迷當衆示愛，大喊“I love you ！Leah！”冧得Leah笑逐顏開，馬上回應：“I love you too！”

何鴻燊的二女何超蓮前晚陪伴胞弟到場，她大爆細佬是Leah粉絲，有齊偶像的寫真集，並透露今次是爸爸幫手攞門票入場。超蓮胞弟亦大讚偶像靚女，問到會否找樣子相似的女友，他笑道：“唔係咁講！唔一定！”並指自己準備了相機，希望能夠與Leah合照。