明踩陳冠希賣衫品味低

麥浚龍否認搶生意

麥浚龍的兩位外國朋友，黑人樂隊組合N*E*R*D其中兩位成員Pharrell Williams及Shae昨出席香港BBC一周年活動，其間麥浚龍被傳媒訪問，搶去二人的鋒頭，令Shae有微言。對於有報道指麥浚龍趁陳冠希（Edison）因慾照事件而避走美國期間，與胞兄聯手四出洽談時裝生意，搶走Edison的客戶。麥浚龍道：“無論傳媒或品牌都冇話邊個搶邊個，而且我做了差不多十年，又係企業化，包括日本、倫敦同巴黎，佢就似幾個朋友開公司咁，大家不同，冇得比較。（有指Edison下月將返港狙擊你喎？）我冇聽過，（可擔心他回來後又提起阿嬌會影響她的心情？）關於阿嬌的要講的已經講晒，我唔會再評論，（你是否不當他是競爭對手？）比較服裝的話，只可以話大家路線唔同，佢街頭味，我就係high fashion，所以唔可以比較。”

麥浚龍說與Pharrell一向是好朋友，現在傾合作計劃，包括時裝及音樂，問他可會與阿嬌合作，麥浚龍道：“她的工作我唔清楚，（會否找她做代言人？）我做緊新一季的衫，但未正式諗，不過所有朋友都可以合作，（有適合的可會找她合作？）一班朋友有適合的無所謂，但要睇佢檔期。”問到阿嬌近期心情如何，他表示之前自己生日時，阿嬌向他講了句生日快樂，並知道她學習好忙，但學甚麼就沒追問詳情。

昨日麥浚龍蓄起鬍子，他解釋因拍MV所需，對於他日前又在Blog中透露去日本，他解釋不是去旅行，只是去為今晚假九展舉行的WORLD WIDE BAPE HEADS SHOW做一些跟進工作，問到緋聞女友阿嬌（鍾欣桐）可有同行，他道：“沒有，大家一直都誤會我是跟阿嬌去旅行，其實我是去做自己的工作，之前去夏威夷則是因為朋友結婚。”