拜仁淘“泰”爭四強

    拜仁上周在歐洲足協盃主場畀對手加泰迫和一比一，認真失禮兼冇面，今晚次回合作客人哋地頭，再唔踢出應有水準，分分鐘八強拜拜。加泰班波踢盃賽確有一手，而且攻力十足，對住強隊真係驚都未驚過，“過氣”歐洲勁旅拜仁之嘛！一於擺定擂台同你“死”過，初盤主場受讓，必捧加泰。

    加泰陣中一班球員雖然名不經傳，但在場上鬥志及拼摶精神的確值得一讚。首回合上半場早段經已落後拜仁一球，正常會陷入苦戰之中，但憑住球員拼勁，及絕不放棄態度，更加在完場前追和對手，呢班波的確幾惡哽。

    另一要讚就係領隊米高勞特立，如何調兵排陣都要講有料，尤其是打盃賽，戰術部署最緊要，呢方面米高真係掂。睇過首回合都知加泰踢法以爛打及硬朗見稱，埋身攔截腳腳七注，所以犯規動作特別多，作客都踢到唔收，今晚自己地頭出擊仲唔惡到出汁。

    首回合贏唔到，拜仁可以話咎由自取，盧卡東尼與列比利先後失機，未能將比數擴大係致命傷。不過，拜仁整體實力的確在加泰之上，只要班球員能夠充分發揮出本身水準，仍然都出線有望。

    推介：和波2:2

    足球評述員　Ben

    電郵:ben_tdm2003＠hotmail.com