布歷克唔挺格蘭特

布歷克○六年自拜仁加盟車仔後簽約三年，後來與摩帥不和，兼且受傷患困擾，足足休息了七個月。在上一賽季，這位德軍的中場大將可謂毫無表現。然而，最近對曼聯和紐卡素兩仗，布歷克表現出無比的勇猛，三個入球為車路士保留爭標希望。布歷克兩場比賽的表現已獲得車仔高層賞識，據講準備同佢續一份三年合約，當然又會加薪。三年後，布歷克已卅五歲，可以說，若布歷克肯簽呢份合約，將可在車仔掛靴矣。

目前，車仔面前的是兩項錦標，聯賽同歐冠盃，競爭對手都係曼聯。歐冠盃係兩隊一場過的比賽，能否奪得冠軍，可在球場上見真章。至於聯賽，數字上車仔仍有得爭，但絕對處於下風。最後一輪比賽，曼聯只要贏，即使車仔贏波，曼聯仍可以得失球擊敗車仔奪取冠軍。曼聯最後一戰係無慾無求的韋根，贏面壓一，可說聯賽錦標已成囊中物。

不過，布歷克又唔同睇法。布歷克認為，目前壓力在曼聯一邊。另外，韋根作客車路士一役，最後以一比一打和。若然韋根拿出該役的狀態，曼聯要贏唔係咁易。對於車仔領隊格蘭特，雖然呢個賽季布歷克多次公開支持佢，但實際上並唔係一回事。最近布歷克接受媒體訪問時，不經意講咗句：車仔擁有衆多高質球員，若果冇格蘭特，爭標機會更大。看來，若果布歷克真的續約車仔，格蘭特繼續執教將會十分頭痛。

董  暉