東東未帶女友見家長

陳曉東昨到商台接受訪問，他表示近日因天氣焗熱，導致皮膚敏感，幸服藥後已無礙。記者笑他是否攬得女仔多而敏感？他道：“冇呀！我不嬲一焗就會生熱痱。”

明天是母親節，東東將陪媽咪吃飯慶祝。問他的女友是否也出席？他道：“我同屋企人食飯。（是否女友仍未可入得屋？）我唔會講呢啲。（媽咪有否叫你帶女友回家？）冇呀！（因為你已結了婚？）總之結婚會話畀大家知。”再問他可會閃電結婚？他即扯開話題，表示天氣很好。

談及其新碟成績，他坦言不錯。雖然加印仍有歌迷表示買不到其新碟，他道：“我之前去巡舖，以為只係買一、兩隻碟，估唔到好似開記者會咁，又有記者又有電視採訪隊，所以就算要內地、香港兩邊跑做宣傳，我都覺得好享受！（會否買車奬勵自己？）未諗到，或者買金，因為平了。（準備做禮金嗎？）總之結婚會話畀你知啦！”