top top top
第E01版:汽車 上一版3  4下一版  
      本版標題導航
三菱eK X 時尚新方塊
歐冠八強又開戰
     [ 設為首頁 ] | | [ 返回主頁 ] |
今日日期:     版面導航
當前報紙日期:
2019 4月15日 星期
 
3上一篇  
  放大 縮小 默认        

歐冠八強又開戰

羅倫斯

    歐冠八強又開戰

    絕地反擊隨時變

    販賣人口無犯法

    豪門球隊最出格

    歐冠盃八強火併,茶檔車迷雀躍,口沫橫飛。

    首回合碰頭,利物浦贏實力稍遜之波爾圖,巴塞羅那則小勝曼聯;那邊廂,曼城客場受挫熱刺,次回合仍可絕地反擊。祖雲達斯驚濤駭浪下被阿積士逼和,次回合主場出擊,料會佔回主導。

    八強中,最有生氣球隊係阿積士,主場快速摧殺,逼到“老婦人”有氣冇碇唞,唯一欠缺大賽經驗,有待磨煉。一向捧巴塞,惟中前場今非昔比,有機會對利記時不敢睇好,事關被對方快速緊迫,後防傳控勢必觸目驚心,隨時出現危機。巴塞靠美斯單天保至尊,一旦被凍結,想贏難矣。

    車迷一向多怪論,有說澳門亂拋垃圾、隨地吐痰罰六百。但全世界有些地方唔使罰,估係乜?揭盅係球場!球員打波上氣唔接下氣,喉乾頸渴痰上頸,很多人都會“放飛劍”,長期滋潤綠茵場,就算擤埋鼻涕,核突樣上晒電視,都冇得罰,難怪歐洲球場草地鬼火咁靚。至於球迷撒紙碎,掟紙條,興奮啫,冇事嘅。

    有口痕友話國際球壇經常販賣人口,冇惹官非,點解?

    澳門販賣人口入罪,乃指逼良為娼,操控賣淫。舊社會窮人賣老婆仔女,現代社會拐賣兒童,都屬於違法。但口痕友話歐洲買賣人口好值錢,億億聲,唔犯法,被人賣豬仔者身價暴升,開心至極。球壇豪門經常“販賣人口”,天價轉會費,就當盤生意。

    另一口痕友話,最唔“老實”係足球員,明明犯規,多唔認帳,扮冤枉無辜;被人碰下詐重傷,痛苦到碌地,攞埋金像獎。

    口痕友話,半夜睇波最精神,日頭飲茶講波無需太正經,人生無一愛好,枉此生也!

    羅倫斯

3上一篇