李蘊教女冇港味

    有藝人北上搵“人仔”，有藝人南下為“教仔”。藝人李蘊跟內地金融才俊羅冠章結婚後，三年抱兩，定居廣州，亦經常返港工作。大賺港元之餘，並帶同兩子女接觸繁囂而七彩的生活環境，以免長期生活在溫室中。

    一般星爸星媽談起兒女，例必大讚識擺甫士、能歌善舞、能唱生日歌之類，“廣州媳婦”李蘊教導子女“唔同港人咁品”：“大女性格樂觀同貪玩，又唔怕醜，超級熱情。但佢被人蝦時，唔會駁嘴和還手。因為我教佢被人蝦時一定唔可以還手，不過就要同老師或者爸爸、媽媽講，要識得保護自己。”這位香港星媽，教女是否已失港味？你話呢。

    丈夫工作基地在廣州，李蘊為女兒在廣州報讀幼兒院：“香港讀書壓力大，我現在居住廣州，心情輕鬆啲。自然唔會迫自己做怪獸家長，因為唔驚女兒會比別人輸蝕。”

    日前，李蘊返港出席親子活動，孭住大背嚢、推住BB車；李蘊媽媽抱住孫仔、手拖孫女，一行四人浩浩蕩蕩到場。育兒講座之後，十一個月大囝囝午睡，三歲囡囡見到周邊的花草樹木，開心得蹦蹦跳，母女大玩捉迷藏。

    全職媽媽李蘊分享育兒心得：“初初好緊張，現在好放手。佢哋跌倒，我當然會心痛，但我會要佢哋自己起身，因為呢個係佢哋必經階段，我主張佢哋玩多啲。”居然没有安排上興趣班，決定不在香港上學。

    李蘊透露現時每月約返港一次，或工作或叙舊，閒時跟好姊妹鄧紫棋、何超蓮保持電話聯絡。姐妹們有否羨慕她的幸福生活？李蘊笑説：“遲早到佢哋啦。”

    高  梁