top top top
第D02版:藝海 上一版3  4下一版  
      本版標題導航
郭嘉駿分享拍拖經歷
文慧如答應張暐弘求婚
孫儷為新劇題寫劇名
趙麗穎曬美艷近照
霍尊宣佈退出演藝圈
七仙羽愈鬧愈紅
美國電視廣告估佢唔到
     [ 設為首頁 ] | | [ 返回主頁 ] |
今日日期:     版面導航
當前報紙日期:
2021 8月16日 星期
 
下一篇4  
  放大 縮小 默认        

郭嘉駿分享拍拖經歷



與三名美女合作主持新節目 (Tungstar)


郭嘉駿人氣持續上升


193澄清與陳海寧的緋聞係假的


鄭伊琪甜蜜自爆男友求婚成功

    與三女主持情感節目

    郭嘉駿分享拍拖經歷

    郭嘉駿、譚凱倫、郭奕芯及鄭伊琪出席新節目記者會,該節目主要是以四位對愛情態度截然不同的男女主持與素人嘉賓分享感情問題。郭嘉駿表示試過提出分手、也有試過被人飛,又澄清與陳海寧沒有拍拖。

    組合ERROR成員郭嘉駿(193)昨日聯同譚凱倫、郭奕芯及鄭伊琪,一齊為ViuTV錄影節目《晚吹——戀講嘢》。節目請來多位素人嘉賓與主持人分享精彩的感情生活,三位女主持談起最傷心的感情經歷,“浩南”鄭伊琪直言:“差唔多每次拍拖分手都係對方提出,所以我應該被飛經歷最多。” 譚凱倫亦爽直劇透:“好精彩,要幾狗血都有,我會為愛痴狂。” 郭奕芯對感情比較淡然:“最傷的一次莫過於男朋友出軌再出軌!我發現佢神色有可疑,但都原諒咗佢。卻原來佢冇同個女仔斬纜,分手半年後,我才發現佢再同另一個女仔原來已經一齊拍拖半年,即係佢同時間有三個女朋友,好誇張!”

    鄭伊琪日前透露男友已求婚成功,昨日她亦甜蜜透露“情況穩定”、“係佢喇”。談起準老公做過最心甜的事,她說:“對於佢來講做嘢好重要,但我有事發生時,佢可以放低工作,用好多時間去陪我。我哋曾經一起養大的一隻狗狗走咗,我崩潰到返唔到工,佢一直陪住我。我亦第一次見到佢喊,我見到男人(為我)喊,就覺得我在佢心目中地位都唔差!”

    人氣高企的193自言與嘉賓相比,他的拍拖經歷顯得好平淡:“試過提出分手、也有試過被人飛,每逢遇到感情問題一律教人分手,冇理由不夾也要一起。”被問到近日與“Dee姐”陳海寧的緋聞,193表示:“係好普通的朋友,絕對唔係拍拖!我都想過在臉書回應,經理人笑我不如同肥仔(梁業)傳緋聞,因為好多工作都係同佢拍檔的。(咁你想跟誰人傳緋聞?)我的MV女主角囉,有工作就唔同講法,可以係熟少少的朋友!”

    提到其隊友保錡被指是渣男,有否慰問他?193說:“我有對保錡講幾句打氣說話,相信佢係心情複雜,擔心佢會崩潰。不過我都唔方便講太多,只係知保錡有努力做嘢,唔會畀佢太大壓力,希望成件事快些過去。我不能幫他回應感情問題,只知道佢平時食開沙律(張沛樂)。”

下一篇4