top top top
第C06版:適時識食 上一版3  4下一版  
      本版標題導航
穿心水魚
半價食牛扒餐
明日嬌陽
意大利出產的法式美酒
     [ 設為首頁 ] | | [ 返回主頁 ] |
今日日期:     版面導航
當前報紙日期:
2021 10月25日 星期
 
3上一篇  下一篇4  
  放大 縮小 默认        

半價食牛扒餐

明 潮


美國穀飼牛扒餐


香蒜蜆肉意粉

    半價食牛扒餐

    近來朋友常常約食飯,因為有不少食肆推出特價套餐,亦有由旅行社負責售賣餐券的。疫情下,食肆減價招徠客人,原本無可厚非,但作為顧客,選擇時就需要小心選擇。

    舉個例子,近排當造的大閘蟹,有食店標明每隻三至三両半,按以前大閘蟹的重量計算方法,是指淨重;後來加了一條鹹水草,再之後見到三至四條鹹水草捲起紮蟹才計算總重量;近年更誇張,見到用麻粗尼龍繩紮蟹;這樣重量的蟹其實只能稱為一隻蟹孫了!試想想,如果買一磅重的餅乾,會不會連鐵罐也計算在內呢?所以各位食客要小心選擇,以免開開心心一起去食飯,結果換來一肚子氣,食咗都唔消化!

    今期想分享的,係我去試過又覺得幾抵食的。君悅酒店的食肆一向予人比較貴價的感覺,其實該酒店在大堂吧推出一個午市套餐,星期一至星期五、每天不同款式。我重點介紹星期一的套餐——美國穀飼牛扒餐,因為我認為係最抵。

    呢個牛扒正價係一百七十八元,套餐價只係九十八元(逢星期二就有個香蒜蜆肉意粉,都唔錯);除了有牛扒,還有杯咖啡(正價係五十五元,也可以選一杯紅/白酒)。咁樣計落,其實只係用四十三元去食這個牛扒。

    呢個牛扒係Hangar Steak,係一隻牛橫膈膜黐住的那塊肉,正常來講應該有筋,但係君悅酒店提供的牛扒,試了幾次都發現幾乎冇乜筋,咁樣會食得比較舒服。呢塊牛扒比較薄身,所以食五成熟比較合適,因為再熟少少的話,師傅提醒薄身牛扒會比較乾身。正常來說,如果血水多,廚房會用吸水紙花大概一兩分鐘去吸乾血水(不能超過兩分鐘,否則牛肉會逐漸自己加熟)!所以烤牛扒,有時也要睇師傅的經驗。

    牛扒用甚麼烤爐也很講究,因為不同的牛扒厚薄有分別,外面熟而裡面太生就很失敗了。記得有一次食牛柳,因為牛柳太厚,扒房經理建議橫切一開二,以免外面已經太乾而裡面仍然太生。相信如果有更高級烤爐,應該可以不用切開也可以做到三至五成的效果。將來有機會再與讀者分享其它牛肉的烹調方法。

    明  潮

3上一篇  下一篇4