錢健明有機會冧莊

    上周的打疊跑賽事，練馬師頭馬可謂被壟斷。現時榜首三人馮耀正、錢健明及譚文就兩次賽事皆有馬贏，共取得所有十一場賽事中的九場頭馬，可謂相當誇張。事實上今季冠軍練馬師之爭，個人認為不外乎前屆盟主馮耀正及上季重奪失落一屆冠軍的錢健明兩人。目前這兩練者分別取得九場及八場頭馬，已拋離五場頭馬的譚文就四場及三場頭馬，已於季初建立明顯優勢，表現可謂相當對辦。

    其中馮耀正上季中以後擺明留以有待，今季初打快攻其實可以預期。不過錢健明上季贏得冠軍練馬師寶座可謂猶有餘刃，現時兵力有超過四十駒，更是近季馬匹陣容最鼎盛的練馬師，所以甚有機會打破多季冇練馬師能冧莊的數據，令人期待。