top top top
第C01版:藝海 上一版3  4下一版  
      本版標題導航
譚俊彥自嘲陪坐五年
MIRROR隊員出騷唔知價
陳柏宇開騷前搞快閃練歌
湯怡唔會咁快生二胎
千嬅選唱名曲致敬梅姐
鄧建明自嘲搏老命演出
     [ 設為首頁 ] | | [ 返回主頁 ] |
今日日期:     版面導航
當前報紙日期:
2021 11月16日 星期
 
下一篇4  
  放大 縮小 默认        

譚俊彥自嘲陪坐五年



譚俊彥其實好想攞視帝獎


朱敏瀚(左)出席活動時完全心不在焉


劉佩玥揸槍似模似樣 (Tungstar)


劇中數位女將表現毫不遜色

    搞笑叫朱敏瀚讓獎

    譚俊彥自嘲陪坐五年

    譚俊彥、朱敏瀚及劉佩玥等昨日出席劇集《換命真相》最後一次宣傳活動。眾人分組玩遊戲,劉佩玥表現興奮,不時尖叫,聲量覆蓋全場,但最後由譚俊彥與朱敏瀚等人勝出。

    譚俊彥(Shaun)、朱敏瀚、劉佩玥、張頴康、蔣家旻、陳庭欣及林凱恩等昨日催谷劇集《換命真相》,Shaun與朱敏瀚表示很開心在電視城以外的地方做宣傳,因為可以近距離聽到觀眾不同意見。Shaun 笑言自己近期多咗去街市:“賣魚佬經常指我這套劇實收得,我覺得觀眾是用家,意見最中肯,因為他們每晚都有收睇,最直接是問他們意見。”

    被問對得視帝獎可會更有信心?Shaun笑說:“賣魚佬年年都咁講,講咗幾年啦,由《天命》講到依家,想我買多幾條魚啫。我對得獎都係平常心,覺得每年的努力,就係入場券,攞到入場券坐落先講。我坐咗五年,成日覺得TVB係淘汰賽,要自我增值先至唔會被人淘汰。”

    Shaun又叫朱敏瀚要讓他:“因為我仔細老婆嫩。”朱敏瀚即表示未輪到他得獎,Shaun的競爭者不是他。問到女友余思霆完成隔離未?朱敏瀚說:“仲有一段時間,不過我估女友都有睇《換命真相》。”Shaun卻大爆朱敏瀚當日要送女友離開時好唔開心,但被窒他與太太當年拍拖都是分隔兩地,Shaun表示當年女友在深圳拍戲、他就在香港:“我很多時會過關陪女友食飯,有時又會送飯給她,不過這情況維持很短時間,因為之後我娶了她回家。”問朱敏瀚可有煮飯給女朋友吃?他笑言自己只會煮即食麵、烚雞胸肉及牛扒。

    劉佩玥近日正在拍攝新劇《隱形戰隊》,她在劇中有開槍戲。早前美國男星艾力寶雲拍開槍戲時發生意外,劉佩玥表示拍攝該類戲時都會做足安全措施,亦相信槍械公司會好好保護他們,並不太擔心。她說:“開槍前我都會準備好,唔會周圍玩,始終第一次開真槍,難免會緊張,父母見我咁興奮,每日都會哦我,驚我樂極生悲。”她透露日前於石門拍攝大型爆炸場面,吸引不少途人圍觀:“雖然我屋企近在咫尺,朋友也不斷傳相片給我父母,但都未能吸引父母前來探班。”

    前As One成員陳苑澄前晚舉行婚宴,劉佩玥也有到賀,她表示與對方相識多年,回憶初相識時已有種相逢恨晚感覺:“佢係一個令我有安全感的女仔,所以戥佢搵到幸福開心。”問到何時輪到她結婚?劉佩玥說:“身邊朋友都有問幾時輪到我,但我已經冇以前咁想結婚同生小朋友,好聽啲係負責任、唔好聽就係自私,因為人愈大,要考慮的事越多。”

下一篇4