詹天文自爆有追求者

    聲夢小花詹天文(Windy)日前十九歲生日，自爆有追求者，介意另一半是煙民，太受女生歡迎亦唔考慮。

    Windy現於廣州一間音樂學院升讀大學，同時兼顧學業及事業的她，希望可以努力朝創作歌手方向進發。她說：“作為歌手一定要有自己親手寫嘅作品，先至算得上為一個真正歌手，希望之後的作品可以參與曲詞；仲有想學返鋼琴或結他，因為細個有學過，但太耐冇掂過，好想有日可以自彈自唱表演畀大家睇。”Windy又表示很欣賞“小巨肺”鄧紫棋，尤其是對方的填詞能力令她最為佩服，所以下學期一定會揀編曲這一科，因為真的好想不久的將來，可以自己一手包辦曲詞編監。

    越大越靚女的Windy被問到可有追求者？她大方承認校內有追求者，但希望對方知難而退。談到擇偶要求，Windy透露希望對方比自己高、陽光、愛笑、帶給自己正能量，不過亦強調：“真正鍾意一個人的時候，呢啲設定可能會冇晒，到時睇緣份，但煙民一定接受唔到，飲酒都可以，但唔可以飲太多，（受女仔歡迎呢？）唔得，我好鍾意一個人，比較容易呷醋。”