劉浩龍帶聲秀學員如湊女

    昨日，劉浩龍（師兄）、陳海兒、李金凱、林盛斌等亮相灣仔慈善跑樓梯大賽。提到同是《聲秀》導師的蘇永康的內地演唱會被取消，師兄指經常見到對方，覺得他的心情不錯，愈來愈瘦之餘也越來越靚仔，“我覺得佢而家仲fit過上次做Big Four演唱會嘅時候，狀態大勇，心情亦非常之靚！”師兄指近四個月忙《聲秀》，沒有了自己生活，坦言事前沒有想過會那麼困身：“大家見到我哋淨係拍攝嗰日拍十三四個鐘，但其實背後訓練學員嗰兩個禮拜、幫佢處理好多嘢，真係好似生咗個女咁，終於領略到做爸爸媽媽嘅偉大。”

    師兄指學員林潔心(Bibi)較單純，肯學也努力，態度也十分好，故沒有被激親，覺得花時間也值得，又自爆本來已約了一班朋友去泰國睇BLACKPINK演唱會，但因為Bibi入到決賽，故決定取消行程留在香港陪她訓練，“我放棄埋我自己生活、娛樂，冇所謂啦，佢做到件事我就開心！”師兄指今次是第二年參加，過往也只是跑三層，不過今年為了Bob特意報名跑七層，但Bob就沒有鍛鍊，又笑指因對方心臟不太好故已準備好“心外壓”，師兄謂自己平常也有做運動，所以七層也能負荷。