何展鵬：撐德國！

    四年一度的足壇盛事世界盃明日凌晨正式揭幕，將有連場好波，每位球迷都有各自的愛隊及心愛球星，睇波最緊要享受及開心。澳門彩票有限公司行政總裁何展鵬因為情意結，會繼續支持德國。

    德國雖贏過四次世界盃，今屆有韋特斯、梅斯亞拿及辛尼等領軍，但相比更星光熠熠的西班牙及法國等強隊，何展鵬坦承德國的奪冠機會不及西班牙、法國等，不過自喜歡踢波開始，一直都喜歡德國，今屆亦會繼續捧德國場：“純粹係一種情意結。鍾意佢哋機動、嗰種十上十落的踢法。”

    至於今屆球星，他會特別留意西班牙超新星耶馬：“佢只有十九歲，但踢歐冠、歐國盃的表現已震驚世界，完全冇怯場，就好似玩一樣，將會係明日之星。”