姚正菁復出樂壇：唔介意同城城合作

    郭富城舊愛姚正菁宣佈復出闖樂壇，由“最索經理人”林寶玉擔任經理人。現年五十七歲的姚正菁，淡出娛樂圈多年，前日出席記者會，簽約加盟新世界娛樂有限公司。姚正菁說今次復出是機緣巧合，最初推搪是擔心自己不適合，又怕唔習慣捱夜，但發現在社交平台上，有不少內地粉絲都以她當年的電視劇《俠客行》中的角色名字“倪冬兒”稱呼她，加上經理人誠意打動，所以便嘗試復出，今次除會嘗試唱歌之外，又會拍短劇及會做直播。

    當年曾與郭富城拍拖的姚正菁，說雙方已沒聯絡，但打開手機都會睇到對方的家庭狀況。問到若有機會再合作可會介意？她反問：“點解要介意，唔會介意，咁耐以前啲事，而且當時大家咁細個，應該話冇乜感覺，基本上唔係幾記得，以前係Puppy love，成四十年前嘅事，真係唔係好記得。”

    再次擔任經理人的林寶玉，被問到合約年期時說：“唔想一簽約就綁人十年，合作好有彈性，有機會同其他唱片公司合作。”她稱當日與老闆見到姚正菁，已被對方保養得宜的外貌及歌聲吸引，認為市場上應有不同風格的歌手及藝人。在老闆同意下，於是誠邀對方加盟，不過姚正菁卻一直推搪，最後才被她的真誠打動。她更透露姚正菁目前已錄好四首歌，稍後並會拍攝MV，但推出日期暫未落實。