盧宛茵兒孫滿堂

    七十三歲盧宛茵(Madam Lo)，帶同四位孫仔孫女亮相HOY TV《嫲嫲飯飯》，大騷溫馨祖孫情。孫仔孫女童言無忌，指嫲嫲扮嘢，“佢係唔識煮飯嘅。”全場大笑。

    四位乖孫孝敬嫲嫲，代替盧宛茵下廚，炮製愛心金菇肥牛捲、蝦仁炒蛋。爆出了盧宛茵半世紀以來的秘密，這位“御用媽媽、外婆、嫲嫲”的資深演員，現實中卻是“無飯媽媽”。她與前夫，前無線新聞主播何鉅華於一九七五年結婚，育有兩子一女。一九八八年離婚，她曾豁達表示，“合不來就離。”後復出拍攝經典劇集《季節》，感謝TVB多年來給予機會。盧宛茵回復單身，與子女相依為命，雖有約會對象，都稍縱即逝。她坦言：“只欣賞比自己有學識的男士。”

    再上電視，盧宛茵傾巢而出：大仔細仔大談媽媽印象——媽媽工作很忙，冇乜點管束，隨我哋鍾意做乜都得。母子相處時間不多，“明白媽媽是為了家庭奔波。”細仔Andrew表示，近年媽媽工作減少，反而多了時間出席孫兒的學校活動，讓他感受到媽媽對家庭的愛。

    多年來，盧宛茵用心撫養三名子女，並供兩個兒子到英國完成碩士學位。如今兒孫滿堂，孫兒們在節目中，送上親手製作的禮物和心意卡，讓這位熒幕上的惡奶奶、現實中的開明嫲嫲感動不已。三代同上電視節目，《嫲嫲飯飯》盡顯隔代的溫情和幸福。

    盧宛茵幸福，也許因遇上鍾景輝——“佢教我哋何謂戲劇，講解得好深入，幾十年來都係用佢呢套演戲法，從唔覺得Out。有人話我哋呢班老嘢不合時宜，我就覺得時下有啲人演戲阿茂整餅，好多餘。例如拍食飯，食完咪Cut，又要畫蛇添足做好多動作，我好憎呢啲。”

    評曰：擇善固執，老而不化！

    高  梁