

兩人宣傳《臥底旅行團6.0》
李尚正盧頌恩喜聞收視佳
綜藝節目《臥底旅行團6.0》本月八日終於首播,第一集網上點擊率已超過七十萬。兩位主角李尚正(阿正)以及盧頌恩(妹頭),最近忙於拍攝《你的保安 李寶安》,不過他們都要抽時間親口跟大家說聲多謝。阿正對妹頭說:“你一個生日可以換到咁多點擊,你都無憾啦!”妹頭說不關她事:“係你一個生日策劃換到咁多,其實我真係估唔到佢哋係咁同我唱生日歌。”阿正又說:“好多觀眾都係你嘅鐵粉,佢哋已經知道你嗰集生日,因為送唔到生日蛋糕畀你,所以睇就算啦。”妹頭禮尚往來說:“我啲粉絲成日同我講,成為我粉絲之前,首先係正爺粉絲,因為正爺而鍾意我哋呢個節目。”
阿正又呼籲大家如果有問題,歡迎在妹頭的社交平台留言:“我知道你好勤力,係咁覆粉絲,粉絲同我講,我私訊你你都唔覆,妹姐覆口架 !我唔鍾意你呀!”妹頭回應說:“因為人哋打咗段字畀你,佢都有用心,我覆一覆佢都應該啊!”這天拍攝還見到新加入的楊偉倫,早前阿卵恤了個靚髮,大家以為他要以靚仔樣迎接金馬獎,原來他是為“保安大隊長”這個角色而剪。不過阿卵拍了兩天,還沒和老友麥沛東同場,問到阿倫期唔期待同“港版阮經天”合作,他反問:“圓形嗰個‘圓’經天?梗係期待啦,我都好耐冇同佢合作。”