鄭伊健宗旨寓工作於娛樂

鄭伊健出席主題玩具店開幕

鄭伊健宗旨寓工作於娛樂

鄭伊健日前以主禮嘉賓身份出席活動開幕儀式，他表示今次寓工作於娛樂當然要出席，還有是代表朋友來選購心儀產品，連黎諾懿都有份。問到他是否已幫黎諾懿買到玩具時，伊健竟一時口快爆粗說：“我都未得X閒。”

至今仍有玩捉電子精靈的伊健，被重提多年前被傳媒拍到和太太蒙嘉慧(Yoyo)到赤柱捉電子精靈一事，他也奇怪當時環境漆黑都被傳媒影到。現時仍有玩該遊戲的伊健，入行至今經常被指只顧玩，他就解釋：“娛樂圈先娛樂到自己，再娛樂別人，工作不忘娛樂，到依家我嘅宗旨都係一樣，所以人哋會邀請我（出席今次活動）。（大家錯怪咗你？）咁又唔算嘅，認真地玩同認真地工作係一樣，（你認真玩的時間多過認真工作？）所以你哋依家開始後悔，你睇吓我依家幾開心，你哋後悔都未遲。”

談及太太Yoyo近日全面復出拍電影《我阿爹想旅行》，伊健對太太再投身幕前大表支持︰“有就認真做，佢開心就得，我冇所謂。”談到Yoyo被指幸福肥，伊健認為肥也沒問題，最緊要健康，而且人總會變，無可能永遠一樣。