米奇翻身交響曲

米奇翻身交響曲

上世紀三十年代，米奇老鼠日漸遭冷遇，和路迪士尼特製作交響曲卡通短片《魔法師的徒弟》以圖救亡。卻人算不如天算，蝕大本。為求返本，索性玩大佢！其時天皇級指揮家正與監製拍攝大型交響曲卡通片，和記索性將其歸順之，並落重本，拍成世界首部立體聲影片，更創成環繞聲先驅。

八十六年前今日，真人與卡通米奇老鼠合演之交響曲卡通片驚天面世，於紐約百老匯劇院上映，名曰《幻想曲》。此片由斯托科夫斯基指揮費城交響樂團演奏，名曲如潮，固然聽出耳油；米奇卡通與樂隊同現銀幕，觀眾目瞪口呆，無解之極。

為推此片，和叔極有橋。睇戲唔該先訂票，搞到市面滾熱辣，人人搶飛；戲院全場裝卅多個喇叭，立體環繞聲，觀眾聽到陀陀令。

此片養大幾代人，搞出大鑊之魔法師徒弟，會跳舞之鰐魚，如入童話世界之田園交響曲，乃老坑影迷集體回憶。

西門公子