楊偉倫撐兄弟助陣《你的保安》

楊偉倫騷戲中保安證

阿卵與妹頭對手戲唔少

楊偉倫撐兄弟助陣《你的保安》

HOY處境劇《你的保安‧李寶安》再有新演員加入，楊偉倫（阿卵）、蘇文濤、蘇子茵前日聯同盧頌恩（妹頭）進行拍攝。

楊偉倫（阿卵）一身保安打扮現身，不過就有別於一般保安制服，不單着吊腳褲，保安證上的相片更是別樹一格，戴上黑超側身擺出有型甫士。他表示其角色是總公司派來整頓一班“臨海峯”保安。見他的左手臂上有抓痕，他透露只是化妝，因他要與野生動物搏鬥。問到他與妹頭可有對手戲或感情線，他說：“我同妹頭有唔少對手戲，但大家唔好期望我哋有感情線。”問到是否更想與濱崎真緒有對手戲，阿卵笑說：“如果逼我同靚女做戲，我唯有接受囉。”

至於找他加入演出，是否為提高收視，他說：“我唔覺得係呢個原因，導演係我好兄弟，一直都叫我嚟玩，之前有其他工作在忙，如果我再唔過嚟玩呢就拍完。”

另外，阿卵主演的電影《善男信女》票房成績不錯，他表示已不停謝票：“謝票謝到人都謝，當然希望成績可以再去遠啲。”說到他另一部有份演出的電影《第四幕》亦已上映，他坦言自己不是該片主角，所以責任亦不太大，不過他都驚觀眾會睇厭。