萬豪軒佳宴美食節推驚喜菜式

乾坤腸內有乾坤

脆皮雞翼

東北牛打豬

雪龍鐵板黑牛件

另一種糯米飯有創意

薩瓦香草帝皇烤金豬

購買指定套餐送李錦記

禮品

萬豪軒佳宴美食節推驚喜菜式

第二十六屆澳門美食節即將開鑼，收到風，“澳門美食教主”又再搞搞新意思，場內萬豪軒佳宴將推出抵食又有驚喜的新菜式，搜羅全國靚食材製作，款款見心思，不容錯過。

招牌菜為琉璃金鳳凰，燒得皮脆油亮，食落肉汁充盈，香氣一路飄出；爆汁萬豪鴿同樣係必點，滷得入味，咬落肉嫩多汁。脆皮雞翼烤得焦香帶蜜味，外皮卜卜脆；乾坤腸內裡釀得豐富，食落好有層次。薩瓦香草帝皇烤金豬，皮脆肉嫩，風味獨特。雪龍鐵板黑牛件火候拿捏得剛好，肉質軟嫩；東北牛打豬炆得腍滑，膠質滿滿。仲有大西北醬羊靴，脫骨處理，鹹香夠味。

另一種糯米飯最有新意，炸至外皮鬆脆薯仔夾住冶味臘味糯米飯，配埋蝦米海苔同秘製醬汁，鹹香特別；六頭鮑魚燜燒伊麵鮮香掛汁，不容錯過。套餐搭配價格實惠，但先賣關子，無論想單點試下小食，定揀套餐同親友一齊分享都得。

美食節舉行期間，萬豪軒佳宴推出消費優惠，顧客購買指定套餐或消費滿120澳門元，可獲贈李錦記豉油一樽或葱油拌麵一包；是次優惠禮品數量有限，送完即止。

食前方丈